我們的工人

外傭，即是外地來的傭人，以往是自傭，即自己是工人。


若你想請工人，與萬聖節一樣，入鬼屋前要先有心理準備。你大可去baby kingdom, Discuss 等網站一看，包你有最壞之打算。

我們（其實是太太與我阿媽）於8月13日從agent 接了工人，新的生活開始了．．


我們的工人是印尼人，很多人說她們蠢，很dirty, 很懶, 什麼都唔識, 最叻講大話...... ，但她是一個例外.....


她的簡歷


2x歲, 以前曾到科威特工作，照顧7個人，４架車，幾千尺大屋，後來回印尼做 baby sister,因想賺錢才到香港打工。



她的表現


1.有人話佢地污糟，我們的工人自備Dove洗髮水， Lux沐浴露，洗面膏，lotions.... （我應該污糟過佢）

2.有人話佢地做完野無洗手，但佢勁過董太 （洗手、洗手、洗手）

3.執完張床，你以為去了酒店；地板太清潔，令你不敢坐地下；以前回家將什物亂放, 現在不敢, 因會影響整潔 (相似於破窗理論 broken window theory)

4.你未瞓，佢唔去瞓 （其實同佢講2230hrs 可以瞓，但有時我地2300hrs 未入房，佢都只係坐係間房, 等你入房佢先去瞓）
5.開頭以為佢唔識煮飯，唯有慢慢教，原來佢於印尼上堂己學識，重有廣東話譯音菜譜 (都幾好笑)，你由得佢自己煮就可以。
6. 還記得星期三佢到屋企, 星期六夜晚係佢第一次一個人留係屋企, 我地夜晚返到屋企, 佢話有野比我睇, 原來佢將所有過期食物執出來,問我點處理 (後來我記得曾對佢講有時間睇下有無過期的東西 -原來我有一盒2003年到期的茶包)
7. 有一天教佢用漂白水+毛巾清潔牆紙上發mo的點點, 佢事後用舊的牙刷慢慢刷, 佢話最乾淨



還有很多，例如不肯放假，自己搵野做，遲d再寫。


p.s. 附圖為她近來的工作 - 清洗達10個抽屜的bb衣服, 圖為手套仔+ socks仔



感謝神，讓我們遇上這個工人


感謝她，直到目前仍很好。