我家的數學公式

一家人的關係, 有時難以用筆墨寫清, 反而用數學公式去表達, 更為明確:
(A)
我+太太=昕霖
2 x 我=太太
昕霖 = ? x 我
上述算式為各人在家中之重要性.

(B)
公因數(CF) of 昕霖, 太太, 嫲嫲 = 女人, 有主見, 與作者有關
最大公因數(HCF) of 昕霖, 太太, 嫲嫲 = 作者

矛盾

太太常說返工的日子很幸苦, 可否唔洗返工, 我便記起以往的事 ~~~~~

剛剛結婚時住在赤柱小屋裡, 當時太太說:

她說:要換間大d的屋, 唔係第日有小b, 間屋唔夠住
我說: 但係換大屋, 要供好多錢, 都時無錢養小b.

矛盾



現在:
她說: 返工的日子很幸苦, 可否唔洗返工
我說: 我無本事令你唔洗返工又夠錢養小b, 所以唯有請工人照顧小b.
她說: 為何生個小b出來要工人照顧, 而自已就返工?


(當時我正在洗碗, 太太正在準備明天的早餐, 而工人正在大廳喂小b)


我說: 都係因為我無錢, 先要請工人, 大家都要返工, 如果我有錢, 我地就唔洗請工人, 你就唔洗返工.
她笑了, 說: 無錢先請工人, 有錢唔駛請工人.


大矛盾..

















p.s. 圖:不可能的樓梯

那$2700的玩意

各讀者,
近日有輿論指本人一邊廂大喊大破財, 另一邊廂又為了區區數百元的維修費而購買$2700的cctv, 並要求審計署介入調查, 研究'公帑' 是否用得其所, 抑或只是為了滿足一己私欲的玩意, 故本人在此詳論之.

本人自處理公司之交通意外後, 感到意外時刻發生, 很多時雙方各執一詞, 有時真的懷疑意外之真相, 但始終覺得意外都是雙方不夠小心所致, 本人自問小心駕駛, 應沒有意外發生.

但自11/19之意外後, 實有感'佢要撞埋黎你都無辦法'之無奈及對方抵賴技巧之高, 均影響本人心理, 故認為有需要購買此'敗家'玩意, 保障自己.

本人認為是次事故只值$800, 但其他意外之賠償, 則非同小可. 試想想, 你在交通燈轉綠後開始起步, 突然有車從另一行車線撞過來, 與你迎頭相撞, 這當然導致車輛嚴重損毀, 什至有人命傷亡. 你肯定意外是對方衝燈所至, 但對方亦指你衝燈, 那麼你有證據麼?

你有證人嗎?
有, 車內有屋企人.
佢地同你有關, 不太可信. 有無路人甲呀?
有很多人見到, 不過走曬, 政府應有閉路電視!
當時啱啱影唔到.
從損毀可看到情況,
只看到你地相撞, 唔知邊個衝燈.

調查結果, 證據不足控告雙方

結果, 你的車可能報銷(total lost), 你只用自己的全保去cover, 你只會想, 天理何在..

'你講故咩! 那有這樣巧合的事?' 我太太 (當時她仍未是我太太)便試過, 幸好對方承認過失,肯賠. 但若換上對方為上次之衰人 '你話你啱, 我咪話我啱', 那又如何?

公司之最新車輛皆有CCTV, 意外後只要取回事故片段便可知得一清二楚, 這亦是引起我想購買之原因, 只不過當時未有導火線吧了.

還有, 有時路上會遇到駕駛公司車的人, 若他們'揸得衰', 大可憑錄影片段大炳他們一場, 不用他們說一句'無呀' 便讓他們一走了之

'任你講喇!' 輿論說.

我答 '多謝各位'

p.s. $2700 的網址 http://www.istarauto.com/

撞車(下)

後事如何?
5/12 警察打來, 因上堂(我要講堂的!) 沒有聽電話, 到lunch時衰人打來, 問我係咪去警察投訴, 要玩大佢, 我引述佢果日話: '你話你啱, 我咪話我啱' 大家都唔知邊個啱, 唯有叫警察處理.
跟住佢話大家都有責任, 問我想點, 我咪叫佢賠.
其實之後重有d故事, 要講實在太長, 唯有省略 ... ...
最終於星期日係車場收費處外, 佢賠800俾我, 大家簽和解紙. 我特登找個位俾CCTV影到.
星期二下午到警署落和解口供, 用了10分鐘.
現在還有車未整, 半條泵把翻噴$600, 整條$1000.

你會問, '點解唔屈佢? 傻人!'
我時常想, 得些好意需回手, 是否真的要'你不仁我應不義?'(這是我讀Q.C.時曾在debate team比賽的題目)

自此事後, 買了一個汽車用的cam放在車頭, 又用了$2700.

公義 = $2700?

只知銀行account 與體重一樣, 又下降了...

附圖: Sharon:' We need justice!'