大破財

上星期撞完車, 其實1000元已okay, 原來大破財日不是該日, 而是霖霖的出生2個月, 亦即是29/11.

28/11 晚上要出去食公司飯, 故放工先番屋企, 7點半才出發.
點知著唔到車, 撻好多次都唔得, 仲連引擎起動聲都無, 唯有搭的士.
食飯時同其他經理講起, 大家都一致認為電池無電.
番到屋企再試, 竟然撻得著, 不過引擎起動聲好慢, 心想真是無電

29/11 要同霖霖去北角睇醫生, 再去銅鑼灣st. paul打針, 故先揸車送她們去北角, 然後去油街的汽車商店換battery, 順便叫佢睇下車胎, 佢話就到期, 於是順便換埋, 加埋支水撥, 盛惠 $4300.

心想, 幾天前先做完定期換油, 冷氣風格已被人騙了$320, 都算大出血, 點知....

師傅話, 攪掂, 你著車, 我插匙, 一扭, 唔著!!!
係唔著! 如你無此經驗, 則好似你部腦死了, 大部份人聽完你講都話係條Ram 有問題, 你咪去298買條新Ram, 順便換買把風扇. 點知你插好條Ram, 用手指按了開關制, 電腦仍舊的...死了

唔著? 大件事, 師傅上車扭都唔著, 此時路人甲走過來對大家說, '你架車一定是防盜晶片壞了, 才鎖死了引擎' 佢一路講我一路試, 突然一下著了, 不過仍然好似無電的撻車聲.
佢跟住話, '個防盜時好時壞, 如果重唔得, 你有空便過來我舖頭, 等我幫你disable 佢, 就得喇' 原來路人甲係隔離車房老闆.

係時侯接她們去醫院, 唯有先去北角接, 棯住泊大球場附近d錶位, 但去到先知有function要改路及封錶位, 唯有放低佢地, 將車泊係摩頓台巴士總站, 一熜車, 再試又唔著, 唯有鎖車去醫院先.

入到醫院, 成個災場款, 裡面好多病人等, 又咳, 又傷風, 太太黑面的說至少要等40分鐘, 昕霖夠鐘吃奶, 點算, 唯有同佢返回架車上, 一路行, 一路諗 ' 死喇, 架車又唔著, 咪要成班車長睇住我個女飲奶?'

好彩又撻得著, 唯有車住佢地氹氹轉, 轉足40分鐘, 跟住放低太太係醫院, 工人同小b同我繼續轉, 之後放低小b同工人入醫院, 我自己繼續唱 '氹氹轉, 氹氹轉, 氹氹轉, 人生好比轉住個圈', 最後接番佢地(其實又係接小b同工人先, 跟住又轉轉, 先接埋太太), 當時已經14:30 (唔記得講我地係10:00出門), 車無得停, 我也無得停.

故事未完, 架車重係有問題, 太太在車程中叫工人返到屋企先整飯我食, 我話'重要揸車去車房, 唔係返到屋企再撻唔著要人去拖車重大件事!'
去到車房, 師傅話熄車試下, 又撻唔著, 我話俾佢聽情況, 同我話俾佢聽我覺得唔似防盜壞, 如果防盜時得時壞, 無理由著得車個下會'死下死下'. 佢同意, 佢話多數係個士撻壞, 佢話要check 下, 叫我走先

士撻壞? 有無搞錯! 無人話過士撻會壞...., 但你諗下, 士撻壞咪撻唔著車羅, 有什麼出奇!

返屋企食完lunea (新名詞, lunch + tea), 師傅打黎, 等一陣架車可以撻車, 但已無法令引擎起動, 係士撻壞, 佢問個toyota, 士撻大特價, 原價 6xxx, 特價$4971, 連埋人工約$5xxx

仲有, 因無車用, 星期日又要同bb搭的士, 仲要'短加長減' , 用了接近$170.

Wiper + Car battery + Tire + Starter + Taxi fare

$4300+5500+170

=幾多, 你幫我計

9/29 昕霖出世, 11/29 $大破日.

Lexus, 為何你成日壞?

感謝

致各讀者,

近日得悉小弟的blog也經常有你在看, 在此感謝. 無論你是因本人, 太太, 或小B 的緣故而看本人之blog, 我也深感榮幸

作者上

撞車

終於出現車撞車的事件, 亦是1st報案..
昨天放假同小b睇醫生, 意外就在返家途中在停車場內發生的.
其實我車是停定俾佢撞, 事後該男子竟說 '你話你停車, 我話你架車行緊, 你火位唔岩'
我非常勞氣, 我太太更勞氣, 工人有d驚慌, 小b繼續訓覺.
損毀有多嚴重? 只是右尾角花了及甩油.

但試一試投訴佢 CD (Careless Driving), 試問一個處理交通意外的人點可以沒有這經驗?

求公義得到彰顯.

太太與小B

我的家, 男女比例由以往的1:1到現在1:3 (工人也是女性), 做男人的更覺重要! 做男人的亦非常榮幸(或不幸)做男士專職的工作, 包括駕車, 爬高爬低, 做跑腿等.

有時大家都嘗試找尋小B與太太或我相似的地方, 有d人話小B似太太, 包括臉龐, 鼻子, 而眼睛則教似我, 但大家其實只著重外表, 其實還有性格...

如果講性格, 佢肯定似媽咪, 相似點有:

1. 扭眼訓 - 有時下午太太會扭眼訓, 現小B也會
2. 本來很眼訓, 但仍因肚餓而扭食- 太太小B都會
3. 要人陪, 雖然訓覺, 但仍要人陪-2位也會
4. 發牢騷 - 小B'依依鵝鵝' , 太太'gei li koo koo'
5. 眼神 - 一招眼神制敵, 大與小都會

還有很多, 但不方便透露, 以免泄露家庭最高機密, 招致殺身之禍.

p.s. 若你日後無法再見到我新寫的網誌, 則表示本人已....

生活隨筆 - 出軌

今次不講昕霖, 我有個同事喜歡寫blog, 她在blog分享她有一次不去慣常的髮型師而所遇上的遭遇, 題目為'出軌'

我突然想起一件事, 我時常想著, 電車先生每天走同一的路, 會不會很悶? 它是否羨慕巴士先生可以行不同的地方, 那樣自由自在!
有一天, 它鼓起最大的勇氣, 超出那路軌的困鎖, 不再像那些平凡的電車般跟著路軌在轉彎.
它成功了! 它像那些自由的巴士, 直衝去了.
這事真的發生了!

Appledaily: 2-6-2007
電 車 出 軌 如 狂 龍 衝 30 米 途 人 爭 相 逃 命 　 共 釀 5 人 受 傷

【 本 報 訊 】 北 角 英 皇 道 昨 晚 上 演 電 車 「 生 死 時 速 」 ， 一 輛 開 往 北 角 總 站 的 電 車 駛 至 英 皇 道 近 北 角 道 分 岔 路 軌 中 突 然 脫 軌 ， 失 控 沿 英 皇 道 滑 行 30 米 掃 毀 一 列 鐵 欄 ， 車 門 飛 脫 ， 其 間 車 底 不 斷 擦 出 火 花 及 冒 煙 ， 車 上 乘 客 及 途 人 受 驚 尖 叫 ， 意 外 中 ， 司 機 連 乘 客 、 途 人 共 5 人 受 傷 ， 送 院 治 理 ， 警 方 和 電 車 公 司 對 該 宗 罕 見 意 外 正 展 開 調 查 意 外 原 因 。 　 記 者 ： 林 榮 海

有 目 睹 意 外 發 生 的 途 人 稱 ： 「 見 到 架 車 好 似 癲 咁 ， 係 咁 衝 過 ， 佢 車 底 兩 邊 都 噴 出 火 花 ， 地 面 發 出 隆 隆 聲 ， 仲 以 為 係 科 幻 片 怪 獸 坦 克 車 出 事 … … 」 肇 事 電 車 為 編 號 151 號 ， 其 終 點 站 為 北 角 春 秧 街 總 站 。 昨 晚 7 時 19 分 ， 由 姓 梁 33 歲 司 機 駕 駛 ， 車 上 有 10 多 名 男 女 乘 客 ， 他 駕 駛 的 電 車 已 駛 返 接 近 總 站 ， 必 須 在 分 岔 路 軌 左 轉 北 角 道 ， 然 後 再 轉 往 春 秧 街 。
先 掃 毀 鐵 欄 車 門 亦 扯 脫
當 電 車 駛 至 分 岔 位 時 ， 車 輛 突 然 發 出 轟 隆 轟 隆 巨 響 ， 無 法 接 軌 而 行 ， 車 輛 脫 軌 衝 出 ， 如 脫 韁 野 馬 左 搖 右 擺 地 狂 衝 ， 首 先 撞 向 生 銀 行 對 開 的 鐵 欄 ， 鐵 欄 格 格 聲 整 幅 被 掃 低 ， 連 電 車 前 門 亦 告 飛 脫 。 衝 力 巨 大 ， 4 米 鐵 欄 被 撞 毀 後 ， 電 車 再 將 一 個 禁 區 指 示 牌 的 柱 位 撞 至 傾 斜 後 ， 連 綁 在 鐵 欄 的 一 輛 單 車 亦 翻 倒 ， 此 時 電 車 才 反 彈 而 出 ， 改 變 角 度 ， 在 巴 士 專 線 路 面 滑 行 。 消 息 稱 ， 電 車 車 底 由 於 磨 擦 力 強 烈 ， 滑 行 時 在 車 底 兩 邊 擦 出 大 量 火 花 ， 當 車 輛 在 30 米 外 停 定 後 ， 車 底 又 冒 出 白 煙 ， 現 場 遺 下 長 長 的 轆 痕 。
乘 客 混 亂 頻 傳 出 尖 叫 聲
在 意 外 發 生 時 ， 很 多 店 舖 仍 營 業 ， 途 人 如 鯽 ， 眾 人 發 現 電 車 失 控 衝 過 來 ， 均 爭 相 走 避 ， 即 使 在 電 車 停 定 後 ， 車 上 的 十 多 名 乘 客 亦 爭 先 恐 後 逃 生 ， 尖 叫 聲 此 起 彼 落 ， 場 面 一 度 混 亂 。 警 員 和 救 護 員 接 報 到 場 ， 封 鎖 現 場 展 開 施 救 ， 巴 士 全 部 改 道 轉 入 北 角 道 ， 現 場 有 數 百 名 途 人 駐 足 觀 看 ， 部 份 人 對 電 車 意 外 如 此 驚 險 ， 更 拿 出 手 機 相 機 拍 攝 存 證 。 有 路 人 指 稱 ： 「 我 經 過 撞 車 一 刻 現 場 ， 電 車 上 傳 出 有 乘 客 叫 救 命 聲 音 ， 我 諗 車 上 人 真 係 好 驚 ! 」 警 方 事 後 將 傷 在 送 院 ， 包 括 受 驚 不 適 的 司 機 ， 還 有 姓 吳 52 歲 男 乘 客 ， 右 腳 受 傷 ， 姓 施 60 歲 男 乘 客 ， 他 左 手 受 傷 ， 姓 陳 43 歲 女 乘 客 ， 她 鼻 部 受 傷 ， 至 於 姓 蘇 30 歲 女 途 人 ， 右 腳 受 傷 ， 幸 眾 人 傷 勢 不 算 嚴 重 。
司 機 入 職 3 年 車 剛 驗 完
事 後 警 方 取 走 電 車 車 頭 的 紀 錄 儀 返 署 調 查 ， 以 了 解 撞 車 時 電 車 上 的 數 據 。 在 個 半 小 時 後 ， 電 車 公 司 派 來 拖 車 ， 將 損 毀 的 電 車 拖 走 ， 現 場 交 通 逐 漸 回 復 正 常 ， 由 於 現 場 被 封 鎖 ， 部 份 店 舖 負 責 人 亦 決 定 提 早 關 門 暫 停 營 業 。 電 車 公 司 發 言 人 稱 ， 肇 事 司 機 在 04 年 9 月 入 職 ， 有 關 電 車 8 日 前 才 驗 過 車 ， 沒 有 問 題 ， 今 次 會 將 該 輛 電 車 徹 底 檢 驗 ， 查 明 肇 因 。 發 言 人 又 說 ， 路 軌 有 自 動 感 應 系 統 ， 毋 須 人 手 操 作 。

人生是否亦是一樣? 你有出軌的想法麼?你有承受後果的勇氣麼?

對不起, 我沒有....

生活太累了

昕霖出生後生活很忙碌, 時常在她身邊氹氹轉.
有空都想休息一下, 學她那樣就最好了!

長長

不是寫錯字, 請讀為'蔣''詳'. 她長了, 由出生時49cm到滿月前53cm, 昨晚量了又增至57cm.

很快的那張小小bb床便要更換, 但一連串的問題(包括房間配置, 換電腦的考慮...)又出現了.

要多多思考

昕霖病了

小b有名了, 經過多多多多番思考(其實主要是太太), 昕霖(音:恩林)出現了,想知解釋可查字典, 總之我覺得很有意思, 讀音也不錯.

她這幾天病了, ear一直有水滲出, 星期六已去看醫生, 但他也許太老了(我太太bb時也看他), 他給我們的藥是有需要才用, 又說是給1歲大的, 故我們都不敢用, 唯有明天再看醫生.

太太都幾擔心, 心裡不舒服, 很久也未有見她這樣子, 我也不開心.

希望她明天看醫生後得醫治, 讓她兩人回復開心.

家中2名女士, 2位都要小心愛護